1. Miqalka

- Lift. Harda istedi dayanır. Qapını gupbuldat! Divarları döyek... Oranı açma! Gelerler. Şaxtada siçovullar gezir. Çaşıb başuva düşer. Ya da bir daş...
- Yox bir, daş orda hardan?
- ...her şey ola biler... Meselen, lift götürer, şaxtanın dibine yuvarlanar: her şey olur.
***
- En sığortalı teminat lift troslarının dözümü qederdi. Bu binada hamımız en sığortalı teminatdan yapışıb-durmuşuq. Maaşdan. Men de qaqaş...
- Getdik!
***
- İyirmide zibillikdi. Tualet iyi, toz. On doqquzda heyat var ey.
- Ne heyat?
- ... ne qeder desen. Şeherde qız qalmıyıb ki, hamsı burdadı. Bele yerde heyat bitmir ki. Her gün fırranır...
-... heç vaxt da dayanmır...
- Heee. Her gün başlanan yarımçıq işlerden biri bitir...
- Çox romantikdi!
- Sene bir de deyirem: senin humanitar kodların meni qorxudur. Dayanıqlı deyil. Eriyirsen ey, bir şey eşiden kimi. Heç vaxt deyerlere bu qeder fikir verme! Boylan get, boylan get. Başuvu içüve dürtme. Ve öz deyerlerin barede hesabat verme. Zemane hesabatı sevmir...
- Bildim de... Ne qeder "Ve" işledirsen!
- "Ve"siz olmur de...
***
- Binamızın üstünde mayak var. Gemilerçün. Vertolytlarçün mayak yoxdu-ey bizde, fikir vermemisen?
- Bilmirdim...
- İstediyin vertolyotu aldada bilersen. Çıx dama, miqalkadan-zaddan bir şey tap, yandır-söndür, bayraq yellet-filan. Bir de görürsen, qezaya uğruyan birisi uçur-uçur, düşende görür meydança yoxdu, armatur çöplerdi. Bu binanın üstü armatur çöpleridi, tesevvür eliyirsen, tikib yarımçıq qoyublar...
- Pilotun da ağlı çaşa...
- Çaşsa da çaşar. Miqalkadı de, yere gömülmekdense qoy, mayaka qeder ümidini itirmesin.
- ...
***
-...İndi bu siqaret püfleyen qehbelerin arasından keçek, yoxsa, dayanaq?
- ...
- Özleri qanıb aradan keçmemeyin keçilmez olduğunu qanalar hay! Kipriklerim aşağıdı. Sen de aşağı ele. Her şeyivü! Guya abırlısan... Yarlıqlar! Yarlıqları gördün? (Başqasının boynunda, başqasının qatmasında qalanlar hey!) Herenin boynunda bir tanıtım kartı, gördün?
- Kebinli arvad kimi...
- Hee. Kimliyi, neçiliyi ve neqayrançılığı da üstünde. Bele yaxşıdı: yoxsa, ay filankes, ay qaqaş, ad yadda qalır? Adamın öz adı yaddan çıxanda-çıxır...
- Çıxanda-çıxır...
***
- Neye gülürsen, en sığortalı teminatın iyine gelen oğlan?! Meni çağırırlar!
- Get de.
- Sen bele ele... yuxarı qalx, iyirmi bire, dama, lap dama. Mayakın yanında ol. Başıvu qat. Gelen olar, geden olar... Zarafatdı, incime...
- Atdır eey...
- Özün bil... İşe düzelmeeeee! Get yat!
- Özüm bilirem de...
- ...............

2. Stol

- Doğdu, doğmadı, axır?
- ...
-...Şestoydadı, xarabada! Nenemnen yaşıddı ey, qırxbeşden qalıb o andır stol. Allah, Allah, men bilirem indi ne çekir? Doğruyurlar ey. Qoyun qayçılıyan kimi... Hekimler de bir sürü qancıx, bir sürü oğraş: qessab köpeyuşağı. İnek etenesinin iyini veren yere göz açır de körpe...
- Etene nedi?
- İnekden çıxan...
- Sen Allah besdi, besdi iyrendirdin bizi!
- Nooldu, xeber olmadı?
- Muştuluğunu özüm alardım-ey, ay qız, bacısı yarıyoldadı...
- Zeng ele cibine.
- Hele xeber yoxdu axı. Zeng çatmır, "Bu nömreye zeng çatmır..." deyib durur imanı yanmış.
- Etene köpeyuşağı...
- Alo, alo, geldi, gelmedi...
- ????

3. Boyun

Boynum qıldan ince. Başımı qarşında eyerdim: qorxuram boynum qırıla. Borclu-borclunun sağlığını ister axı. Döz. Men dözen tek sen de qıl boyda boyuvun ağrısına döz. Eysen, guya sınmağından qorx...

4. Et töken

Herenin içinde bir gezeyen qurd: kompüter siçanı kimi. Qalxıb-enen qurd. Bir de görürsen, kosmopolit enerjisiynen her şeye bigane qalan birisi dingildemeye başladı. Emmelice herekete gelir ey. Çiçeyi çırtlar, tövşüyüb ora-bura qaçar, sözüne söz, izine iz çatdırmaq olmaz. Balam, gün hardan doğa?
...Heç kes stabil deyil. O da, men de, belke sen de. Allah bile, indi kimin yanından, hansı danışıqdan gelib. Adamlar növ-növdü de! İndi belke de kimse ona nese ümid verib, ya buna benzer bir şey. Mesel, pul. Az qala atdanır ey, hamı görür ki, bu dıydıq sıyıq gedir de... Kimde olmur? Sende de olur, mende de: sirrini heçkese vermemek. Neter deyir, "sirrini vermeyir, neyese dünya?" Bununki sirrin ögüsüdü de. Dingildedir. De de, de de: ya de, ya da deme. Bele gezme. Pis çıxır... Hele can atırlar ey, birce yırtıb girsinler. Hamı hamının deliyini axtarır. Gülme. Düz demirem beyem? Ucuz sirr kime lazım?..

5. Mazoxist

"İlk doğuşumda 17 yaşım vardı. Uşağı qeyser kesiyiynen götürmeye pulumuz çatmadı: hem de bele danışdıq ki, özüm güc verib doğsam, daha yaxşı olar. Men hemişe bele düşünmüşem ki, qadın öz doğduğunun ağrısını çekmelidi. Gerek qadın uşağını seve bilsin. Gerek, ana balasına düşkün olsun. Men doğuşdan sonra övladına bigane qalan anaları başa düşe bilmirem. Doğuşdan qebredek bala baladı... Belke de ana olmağa qeder heyatımın bir dövründe sevgi qıtlığını başım çekdiyinden bu fikirdeyem. Amma ilk doğuşdan yadımdadır ki, adamın içini qessab kimi kesib doğrayır, qaşıyır, özünden iyrendirir ve ezab verirdiler. Bu meşeqqeti yaşarken, dişlerini dişine sıxır, bağırmaqdan ses tellerin çatlayır, üreyin hövr eliyir, huşun itir ve... sonra lap on uşaq da doğsan, her şey buna benzer öz tekrarını yaşayır. Feqet bütün bu iztirablardan sonra yalnız ana, yalnız esl ana dönüb övladına baxır, sevinir, iztirabdan qurtulmağında sanki bu körpe varlığın da kömeyine göre az qala ona teşekkür edir... "
***
- Uşağı özün emizdir, - deyirem.
- Mama, sen mazoxistkasan, - deyir qızım...

6. Tirpaş

- "Romans"! "Romans?" "Romans"!
- 12 dollara.
- 12 dollara?
- İndiki kursla 54 çörek ve bir paranın yarısı... - Qulağındakı pleyere...
- JVC-di. Mende JVC televizor var.
Şaqqanaq. Ekstaz.
***
- Adamın pulu ola, düşende bunun da pulunu vere... - Deye, "düşersen"...
- Ne deyer?
- Dinmez.
- Yüz faiz, dinmez...
- Mikrorayona gedir.
- Yüz faiz...
- Mikrorayon balasıdı!
- Yüz faiz.
- Mikrorayonda qalasıdı???
- Yüz faiz!
Şaqqanaq. Şapalaq. Avtobusun arxa oturacağında ağnaşma. İkiqat ekstaz.
***
- Paneller, ay paneller...
- Zibiller, ay zibiller... Ölürem sizinçün! Ouooo! (yüngülvari ekstaz) Mikrorayon uşağını iyinden bilirem...
- Bombadu...
- Neyi bombadu?
- Heç neyi.
- Deyirsen neyi bombadu?
- Özü bomba, sözü bomba...
Şaqqanaq. Ağnaşma. (Üçqat ekstaz)
***
- Qulağına bax de...
- Guya bilmirüy.
- Guya de.
- Nauşnikin altına ses girmir?
- Ses her yere girir, qaqaş!
Şaqqanaq.
***
- Allah bile, Amerikaya hazırlaşır.
- Yüz faiz...
- Çıxıb gedecey???
- Gedecey.
- Cekin-mekin qucağına???
- Cekin-mekin qucağına...
- Pes biz...
- Allah bile...
Şaqqanaq. (Xırda ekstaz)
***
- Uzağı Amerikaya gedecey de...
- Allah bile.
- Nauşniklerini çıxarıb atar.
- Orda yaraşmaz bizimkilere...
- Yaraşar.
- Yaraşmaz...
- Orda tirpaşdıq yoxdu...
- Nece yoxdu.
- Yoxdu de, "yoxdu" qanmırsan?
- En böyük tirpaş onnardı ki...
- Onda qoy getsün...
Şaqqanaq. (Vecsiz ekstaz)

7. Tros

Necedi seninçün, veledüznalar şeherin ortasında gelin maşınının qabağını kesdiler. Trosnan. Nemer almağa. Maşın dayanar-dayanmaz gelin düşdü. Edeb-erkanla qollarını gedelere teref açdı: gedelerin birine çatdı, eyildi...
***
Bir dene şille! İlişdirdi: dalınca şille-tepik. Küprüyünü qaldırdı, kablukunun altıynan gedeni palçığa qarışdırdı, xancaladı...
Boşqab sındırırdı elebil zalım qızı. Çekilib de oturdu maşına, "sür" dedi-getdi. Bey "Mersedes"in penceresini endirib mattım-mattım baxırdı. Bele keyfin istiyen bir oğlan ey. Eli ağzında qalmışdı...
***
Havadanıydı. Yüz faiz. Hemen gün menim özümün de başım ağrıyırdı. Payız vaxtı bele olanda-olur...
***
Dalınca "indi gör bunun doğduğu ne olacaq?",- dediler.

2000